समाचार

“नेपाली सेफ सन्तोस साह”बीबीसीको मास्टर सेफ प्रतियोगिताको फाइनलमा हार्दिक बधाई तथा उच्च सम्मान ।

काठमाडौं, हामी विश्वका विभिन्न कुनामा पाइने खानाको बारेमा सधैं नाम लिने गर्दछौं । केही देश त खानाकै कारणले पनि चर्चित छन् । नेपालकै मौलिक खाना पनि निकै चर्चित छन् । तर, सबै अन्तर्राष्ट्रियकरण हुन सकेको छैन ।

विदेशी नेपाली भूमि टेके लगत्तै नेपाली खानाको रस्वादन गर्न लालायित हुन्छन् । तर, पनि नेपालले आफ्नो खानाको ब्राण्डिङ गर्न सकेको छैन । यहीबीचमा बेलायतको सबैभन्दा चर्चित मास्टर सेफमा भने एक नेपाली नेपालको खानालाई विश्व सामु चिनाउन सफल भइरहेका छन् ।

उनले बनाएको नेपाली परम्परागत खानेकुराले निर्णायकलाई मोहित बनाउँदै मास्टर सेफको फाइनलमा प्रवेश गरेका छन् । बेलायतमा जारी १३ औं संस्करणको बीबीसी मास्टरसेफ प्रोफेसनलमा नेपाली खानेकुराको स्वाद चखाएरै फाइनलमा प्रवेश गरेका छन् ।

विश्वभरका निकै चर्चित सेफहरूबीचको प्रतिस्पर्धामा उनले नेपाली मौलिक खानेकुरालाई पस्किँदै जजलाई मुख मिठ्याउने बनाएर फाइनलको यात्रा तय गर्न सफल भएका हुन् ।

नेपालमा पनि विश्वमा पाइने विभिन्न परिकार जस्तै आफ्नै मौलिक परिकार छन् । स्थान नपाउँदा र अन्तर्राष्ट्रियकरण गर्न नसक्दा अन्य खानाको तुलनामा नेपालकै परिकार भने गुमनान छ ।

विदेशी नेपाल आउँदा यहाँको खानाको स्वाद चाखेर मोहित हुने गरेको भएपनि विश्वमा नेपालका परिकार खासै चर्चामा हुँदैनन् । त्यसैले विश्वभर नेपालका परिकारको ब्रान्डिङ गर्न सन्तोसले चलाएको कदम सराहनीय मात्र छैन प्रतियोगिताका जजबाट निकै राम्रो प्रशंसा पाइरहेका छन् ।

सेमिफाइनलमा सन्तोसले नेवारी खाना योमरीलाई फ्युजन गरेर बनाएको खाना ’बीबीसी मास्टर सेफ प्रोफेसनल्स् २०२०’ को प्रतियोगितामा उत्कृष्ट भएपछि उनी फाइनलमा प्रवेश गरेका छन् ।

सन्तोषले मौलिक नेवारी परिकार ‘योमरी’ लाई चकलेट, चिल्ली, अरेन्ज, सिनमन मिसाएर बनाएका थिए । उनी प्रतियोगितामा सहभागी ३२ व्यवसाहिक सेफहरुलाई उछिनेर शीर्ष ६ भित्र पुगेका हुन् ।

Related Articles

Back to top button