समाचार

एमसीसीमा समर्थन नगरे गठवन्धन टुट्ने भन्दै चेतावनी दिएपछि छलफलमा जुटे प्रचण्ड , नेपाल र खनाल

काठमाडौं १२ फागुन । आज बस्ने संसद बैठकमा एमसीसीको विषयमा छलफल गरिने भएपछि गठवन्धन नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’, नेकपा (एकीकृत समाजवादी) अध्यक्ष माधवकुमार नेपाल र सम्मानीत नेता झलनाथ खनाल छलफलमा जुटेका छन् ।

तिन नेता बिच नेकपा (एकीकृत समाजवादी)को संसदीय दलको कार्यालय सिंहदरबारमा छलफल भएको हो । यस भन्दा अघिल्लो पटक बसेको संसद बैठकमा एमसीसी टेबल भएपछि अब एमसीसीको विपक्षमा मतदान गर्ने भन्दै आएका प्रचण्ड नेपाल यतिबेला दवावमा परेका छन् ।

एमसीसीमा समर्थन नगरे गठवन्धन टुट्ने चेतावनी दिँदै आएको कांग्रेसले आजको संसद बैंठकमा आफ्ना सांसदहरुलाई अनिवार्य संसद बैठकमा आउन समेत निर्देशन गरेको छ ।

अमेरिकी सहयोग परियोजना ज्यान गए पनि संसदमा पेश हुन नदिने अडान लिएका सभामुख रातारात युटर्न हुनुको रहस्य बाहिरिएको छ । उनले आफ्ना छोराको भाग्य चम्काउन ब्याक भएको खुलासा भएको हो ।

एमसीसी प्रस्ताव प्रतिनिधि सभामापेस गर्न दिए वापत रुपक सापकोटा राजदूत बन्ने अवस्था सिर्जना भएको छ । रुपक सापकोटा सभामुख अग्निप्रसाद सापकोटाका छोरा हुन् । अग्निप्रसादले छोरा रुपकलाई चीनको राजदूत बनाउन प्रयास गर्दै आएका छन् ।

मन्त्रिपरिषद्ले अमेरिका, बेतायत र भारतको राजदूत नियुक्तिको निर्णय गरिसकेको छ । तीनवटै देशको भाग कांग्रेसलाई परेको छ ।कांग्रेसले भारतका लागि डा। शंकर शर्मा, अमेरिकाका लागि श्रीधर खत्री र बेलायतका लागि ज्ञानचन्द्र आचार्यलाई राजदूत सिफारिस गरेको थियो । सोही अनुसार मन्त्रिपरिषद्ले निर्णय गरेको हो ।

जानकार स्रोतका अनुसार माओवादीको भागमा चीनको राजदूत पद परेको छ । सभामुख सापकोटाको छोरालाई राजदूत बनाउन माओवादी अध्यक्ष प्रचण्ड सहमत भइसकेका छन् तर प्रधानमन्त्री शेरबहादुर देउवाले ‘अनुभव विहीन र कम उमेरको’ भन्दै आनाकानी गरिरहनुभएको थियो ।राजदूत बन्नका लागिरुपक सापकोटाले परराष्ट्र मामिला अध्यान प्रतिष्ठानको उप–कार्यकारी निर्देशक पदबाट राजीनामा दिइसकेका छन् । छोरा रुपकलाई सो पदमा पनि बुवा अग्निप्रसादले नै पुराएका हुन् ।

तर, अब भने रुपकलाई राजदूत सिफारिस गर्नै पर्ने भएको छ । जानकार स्रोतहरुका अनुसार छोरा रुपकलाई चीनको राजदूत बनाउन नसके पनि कुनै देशको राजदूत बनाउनुपर्ने अग्निप्रसादको द वाब छ ।

Related Articles

Back to top button