न्याय खोज्न २० दिन पैदल हिंडेर खुट्टामा फोका उठाउॅदै काठमाडौं आएका महिलामाथि राज्यले थप हिंसा गर्नु बिडम्बनापूर्ण छ :बाबुराम

काठमाडौं २४ असोज । जनता समावादी पार्टी संघीय परिषद्का अध्यक्ष डा बाबुराम भट्टराईले महिलामाथि राज्यले हिंसा गर्नु बिडम्बनापूर्ण भएको बताएका छन् ।

न्याय खोज्न २० दिन पैदल हिंडेर खुट्टामा फोका उठाउॅदै काठमाडौं आएका महिलामाथि राज्यले गरेको हिंसा बिडम्बनापूर्ण भएको भन्दै उनले ट्वीटर मार्फत जानकारी गराएका हुन् ।

लोकतन्त्रमा सडक र सदनबाट जनताले उठाएका आवाज सरकारमा बस्नेले सुन्नै पर्ने बताएका उनले यस्तो कार्य गरे ओलीतन्त्र र यो सरकार वीच केहि फरक नभएको बताएका छन् । नेता भट्टराईले यसको समाधान वार्ताबाट छिटो गर्न समेत आग्रह गरेका छन् ।

उनले भनेका छन् ,’घरेलु हिंसापीडित महिलाबारे न्याय खोज्न २० दिन पैदल हिंडेर खुट्टामा फोका उठाउॅदै काठमाण्डु आएका महिलामाथि राज्यले थप हिंसा गर्नु बिडम्बनापूर्ण छ।लोकतन्त्रमा सडक र सदनबाट जनताले उठाएका आवाज सरकारमा बस्नेले सुन्नैपर्छ।नत्र ओलीतन्त्र र यो सरकार वीच के फरकरुछिटो वार्ताबाट समस्या हल गर !’

यो पनि पढ्नुहोस: पोखराकी बिनाको घरमा ९ जना पुरुषले गर्दा रहेछन् यस्तो अनौठो काम

काठमाडौं, १८ असोज(काठमाडौं महानगरपालिका(६ बौद्ध तिनचुली नागमन्दिर नजिकै कुल बहादुर सुनुवारको घरमा जुवातास खेलिरहेको अवस्थामा काठमाडौं महानगरपालिका(६ बौद्ध बस्ने ४० वर्षीय सन्जु थापा लगायत ११ जनालाई आइतबार राति प्रहरीले पक्राउ गरेको छ।

उनको घरमा जुवातास खेलिरहेको भन्ने खबर प्राप्त हुनासाथ महानगरीय प्रहरी वृत्त बौद्धबाट खटिएको प्रहरीले उनीहरुलाई नगद ८२ हजार ७ सय ५ रुपैयाँ, १ बुक तास र २७ थान कौडा सहित फेला पारी पक्राउ गरेको हो।

कास्की, पोखरा महानगरपालिका(१९ गैरीखोर बस्ने बिना पुनको घरमा तास खेलिरहेको अवस्थामा सोही महानगरपालिका(१९ लामाचौर बस्ने अन्नपूर्ण गाउँपालिका घर भएका ६२ वर्षीय याम गुरुङ लगायत ९ जनालाई आइतबार साँझ प्रहरीले पक्राउ गरेको छ।

उनको घरमा जुवातास खेलिरहेको भन्ने खबर प्राप्त हुनासाथ जिल्ला प्रहरी कार्यालय कास्कीबाट खटिएको प्रहरीले उनीहरुलाई नगद ३४ हजार ३ सय ७० रुपैयाँ र ३ बुक तास सहित फेला पारी पक्राउ गरेको हो।

यसैगरी कास्की, पोखरा महानगरपालिका(१९ लामाचौर बस्ने हरिमायाँ पुनको घरमा तास खेलिरहेको अवस्थामा सोही ठाउँ बस्ने माछापुच्छ्रे गाउँपालिका घर भएका २७ वर्षीय राजु पुन लगायत ९ जनालाई आइतबार साँझ प्रहरीले पक्राउ गरेको छ।

उनको घरमा जुवातास खेलिरहेको भन्ने खबर प्राप्त हुनासाथ जिल्ला प्रहरी कार्यालय कास्कीबाट खटिएको प्रहरीले उनीहरुलाई नगद ४५ हजार ७ सय ५० रुपैयाँ र ३ बुक तास सहित फेला पारी पक्राउ गरेको हो। यस सम्बन्धमा प्रहरीले थप अनुसन्धान गरिरहेको छ।

 

प्रतिकृया दिनुहोस